हाय दइया फिर से गर्मी....

लीजिये मित्रों प्रस्तुत है एक अवधी रचना.....

हाय रे हाय दइया देखो फिर से गर्मी आय रही है
        आँखिन मा अबहिन से जइसे अंधियारी सी छाय रही है
                 मुंह मा सूखा परय लाग है चार कदम पैदल पर
                             ठंडा बेचय वालेन कय फिर से अब चांदी आय रही है.....

सुरुज देवता भये बिकराल धरती फिर से तपय लागि
       गर्मी से मच्छरन कय नानी अब फिर से याद आवय लागि,
                दिनौ रात अब चुवय पसीना नींद आवय मुश्किल से
                           अइसे मा बिजलिव अब आपन रंग देखाय रही है.....

कबहूँ आवय कबहूँ जाय पंखा हांकत हाथ पिराय
      मन मा आवय घड़ी - घड़ी जाई लेई फिर से नहाय,
               अच्छी बात है एतनी कि अब देखो पाकय लागे आम
                          दशहरी - हापुस कय खुशबू मुंह मा पानी लाय रही है....

                                                              - VISHAAL CHARCHCHIT